నెల్లూరులో రౌడీషీటర్ శ్రీకాంత్ ప్రియురాలు అరుణ అరెస్ట్
కోవూరు పోలీసులు అదుపులోకి తీసుకుని విచారణ
నెల్లూరు జిల్లాలో రౌడీషీటర్ శ్రీకాంత్ ప్రియురాలు అరుణను కోవూరు పోలీసులు అరెస్టు చేశారు. శ్రీకాంత్ నేరచర్యల్లో కీలకపాత్ర పోషించినందుకు ఆమెపై కేసులు నమోదయ్యాయి.
పోలీసుల వివరాల ప్రకారం— ఇటీవల కోవూరు పరిధిలోని ఒక ప్లాట్ యజమానిని బెదిరించిన ఘటన, అలాగే నాలుగు రోజుల క్రితం ఒక సర్కిల్ ఇన్‌స్పెక్టర్ (సీఐ)ను “హోం శాఖ కార్యాలయం నుంచి మాట్లాడుతున్నాం” అంటూ బెదిరింపులు చేసిన వ్యవహారాల్లో అరుణ పాత్ర బయటపడింది.
శ్రీకాంత్ అనేక సెటిల్మెంట్లు, నేరాలకు పాల్పడుతున్న సమయంలో, అరుణ అతనికి సహకరిస్తూ మధ్యవర్తిగా వ్యవహరించినట్లు పోలీసులు గుర్తించారు. భూవివాదాలు, డబ్బు లావాదేవీలలో ఆమె నేరుగా పాలుపంచుకున్నట్లు ఆధారాలు లభించాయి.
ప్రస్తుతం అరుణను కోవూరు పోలీస్ స్టేషన్‌కు తరలించి విచారణ కొనసాగిస్తున్నారు. శ్రీకాంత్‌పై ముమ్మర దర్యాప్తు కొనసాగుతోందని పోలీసులు తెలిపారు.
What's Your Reaction?
Like
4
Dislike
0
Love
0
Funny
0
Angry
0
Sad
0
Wow
0
